ससुराल से एक लड़की का अपने X Boyfriend को आख़िरी ख़त

Aksar ladkiyan ho jati hain badnaam mohabbat me apni majburi ke hathon har kar…
Lekin kaun janta hai unhen kis tarah jeena hota hai andar hi andar khud ko maar kar….

Haan maine ki galti jo main apne pita ke khilaf jaa naa payi…
Haan maine ki galti jo maine apne pariwar ke khilaf awaz naa uthai…

Haan shayad main galat hun zamane ke samne kyun ki maine tumhe tadapta chhod diya….
Haan main shayad galat hun kyun ki maine tumhara masoom sa dil ek jhatke me tod diya…..

Magar ek baat meri maano aur khud ko ek baar meri jagah rakh kar dekho zara….
Jis tarah se ek ladki ko dekhna hota hai apni khushi ke sath pure pariwar ko bhi …. bas waise hi tum ek baar socho zara…..

Kitna mushkil hota hoga ek beti ke liye us baap ke khilaf jana jisne use paida kiya hai ……
sab jante huve ki ye ek shadi nhi hai…. bas paise aur uske jism ka sauda kiya hai…….

maine apne maa baap ki izzat k liye apne armnao ko jala diya,….
kahin unka naam mitti me na mil jaye , isliye maine umar bhar ki khud ko saza diya…..

Tumne to mujhse mohabbat ki hai mere ahsason ke sath bhi jee sakte ho….
Jaise main har ghadi pee rahi hun waise hi tum bhi mere liye zahar pee sakte ho….

Magar unka mai kya karti… jo mere ek galat faisle se dukhi ho kar dhamki dete rahe apni jaan dene ki…
Us maa ka kya karti jo hath jod kar mujhse bheekh mangti rahi .. apne peeta ki baat maan lene ki…..

Tum meri jagah hote to kya apne maa baap ko yun marta tadpata chhod kar mere sath chale jate…
Jab tumhari maa tumhare aage hath jod kar khadi hoti to kya tumhare kadam aage badh pate….

Jahan tak rahi baat mohabbat ki to wo main bhi tumse utna hi karti hun….
Kabhi hawa ban kar aao mere sasural aur dekho ki tumhari yaad me kaise main aaj bhi pal pal marti hun…

ho sake to maaf kr dena, bina soche samkhe mahobbat kr li, ye bhi na socha ki sab kuch bas sochne se na pura hoga….
mai to khawbon me thi ji rahi… sach me mujhe na maloom tha ki mera hi pyar ek din adhura hoga….

ek din jarur Tumhe samjh aajayega ki yaha aaj bhi ek ladki ko apni marzi se apna hamsafar chunane ki ijazat nahi di jati hai…..
Main sach kahti hun tumse mohabbat karne ke liye mai kabhi razi hi naa hoti…. agar mujhe maloom hota ki yaha mohabbat karne walon ki jaan li jati hai……..