2018 Best Heart Touching Love Story

Ek pagal sa ladka tha ek dam awara sa….
har dam masti me rehta tha….. firta tha mara mara sa……

na ghar ki koi chinta na apna koi thikana tha……
khule gagan me udta rehta wo panchi ban awara sa…….

aksar wo apne Maa baba ko pareshan kr deta…
wo apni ulti sidhi harkaton se unhe hairan kar deta….

Sab kuchh tha uske pas fir bhi lagta jaise uske man me kisi ko pane ki aas thi…..
Rahta tha mano samndar me wo … phir bhi kabhi na mitti uski pyas thi…….

Ek roz jab wo udas sa apne kamre ki khidki par tha baitha hua….
Apne man se hi apne dil ka hal dhire dhire chupke chupke kahta hua……

Tabhi use pados me dikhi ek pyari si ladki jiski ankhen jaise thi koi theka sharab ka…..
use dekhte hi mano chamkne laga tha chera janab ka….

Pata kiya jab uske bare me to jana wo pados ke gupta uncle ki door ki bhanji unke ghar rehne ayi hai…..
Jo hai ek dam hi sidhi shadth, padhti hai class 10th me, wo uske dil me a samayi hai…….

Ladke ne man hi man me ye thhan liya tha…
Wohi hogi uske sapno ki shahzadi , usi se karega wo shadi … ladke ne ladki ko apna sabkuch maan liya tha….

Wo ab sara din awaragardi chhod rahta tha ghar me aise…
myan me smayi rahti hai koi talwar jaise….

Jab dekho kamra band kar ke khidki par hi baitha rahta tha wo…..
usse kitna pyar karta hai, khud se hi paglon sa kehta rehta tha wo…..

Ladki bhi kabhi kabhi chhat par use dekh muskura diya karti thi….
Uski sukh rahe mohabbat ke dariye me wo armanon ki barish barsa diya karti thi….

Ek din ladke ne chupke se us ladki ko ek khat de diya tha…..
Main tumse karta hun bahut pyar , nahi rah sakta bagair tumhare, apne dil ka haal keh diya tha…

Ladki ne jwab me use ek chhota sa kagaz thama diya jisme likha tha, “mahobbat me ashikon ki ankhe bematlab roti hai…
Pasand tumhe main bhi karti hun magar ye hamari umar in sab ke liye abhi bahut chhoti hai……

Ladki ne aur likha ki tum khoob padho aur khoob badho fir ek din hum zaroor ek honge….
Bhagwan bhi madat karega agar irade hamare nek honge……

Ladke ne kaha theek hai main banunga kabil fir tumse milunga…..
Aur us din tumhare ghar walon se tumhara hath mang lunga…..

Ladki ab kal jaa rahi thi us ladke ko Hazar umeeden aur sapne dikha kar…..
Honsla de gayi thi wo us rote huye ladke ko… nam ankhon ke sath muskura kar……

Ladke ne bhi thani ki wo sachi lagan aur mehnat ke sath apna bada naam karega…..
Us ladki ko paa lega badi asani se.. wo zindagie me kuchh aisa kam karega……

Waqt ka pahiya ghumne laga tha apni puri tezi ke sath …..
Ladke ne bhi apni kismat ko taak par rakh kar chhod diya tha sab apni mehnat ke hath……

Char chhah mahine baad kabhi ladki ka khat aa jaya karta tha….
Uska likha hua pyar ladke se ladki ka liya hua wada use yaad kara jaya karta tha…..

Ladka padhta raha zindagi me aage badhta raha usne maa baap ka bhi uncha naam kr diya…
Kaise hua ye badlaw kaise palt gayi is buddhu ki budhi is baat ne uske maa baap ko bhi hairan kr diya…..

Kuchh salon se chithi ka silsila ab band ho gya tha….
ladke ka pyar is duniya ki bheed me na jane kaha kho gya tha…

Gupta uncle ko bahane se puchne par pata chala ki wo log apna shahar chhod kahin chale gaye….
Magar kahan gaye ye kisi ko bhi bata kar nahi gaye…

Ladka ghabraya nahi kyun ki wo apni mohabbat par pura yakeen karta tha..
Badhta raha wo zindagi me aage magar har raat ko uski yadon me marta tha……

Uski mehnat ne use aaj ek docter bana diya tha…..
Aaj wo khush tha bahut qki usne us ladki se kiya apna wada nibha diya tha….

Magar ladke ko ye baat andar hi andar khaye jaa rahi thi…
kaha hogi wo , kis haal me hogi, us ladki ki yaaden use aaj bhi rula rahi thi…….

Ladke ka tabadala ek sarkari hospital me dusre kisi shahar me ho gaya tha…..
ab Wo us hospital me gareebon ki seva karne me hi kho gaya tha…..

Wo bhookh pyas bhula kar sara din mareezon ki dekhbhal me uljha rahta tha ….
Wo aayegi ek din zaroor har roz uska dil usse ye kahta tha…..

Ek din ek budha rota hua pure hospital me duhai de raha tha….
Uski beti ke dile me chhed hai koi use bacha le wo sab se hath jod kr kah raha tha….

Ladke tak ye jab ye baat pahunchi to wo bhagta hua us budhe ki beti ke ilaj ke liye a gya…
Opretion ke liye usne apne hi dam par sara intzam kiya, shayad bhagwan ko bhi ye bha gaya…..

Apni lagan aur mehnat se hi usne us ladki ko bachaya tha…..
is kaam ke badle usne us bhude aap ki hazaron duwaon ko paya tha……

Budhe ki wo beti theek hogyi to usne docter se milne ki zid than li…..
Doctor aaya usne nigahen nichi rakhin magar ladki ne uski surat pahchan li…..

Wo khushi ko smbhalte huye boli ki main khush is liye nahi ki tumne mujhe bacha liya….
Main khush hun is liye ki tumne jo wada kiya tha mujhse wo akhir tumne nibha liya……

Ladke ne chaunk kar upar dekha to pahchan gya ye to uska pyar tha…..
Jiska sajda wo roz karta tha hath jod kr , wo aaj uske samne khadi thi, qki use apni mehnat or aitbaar tha….

Usne daud kar use apni bahone me bhar liya tha…..
jitna tadpa tha uske bina, wo sab keh diya tha…..

Kudrat ne us ladki ko bachaya aur do dilon ko mila diya tha ……
Ladke ne bhi mohabbat ko nibhakar ladki ki wafan ka achha silla diya tha …..

Dono fir ek huye aise ki fir kabhi pal bhar ke liye bhi juda naa ho sake….
Jo sachi kare mobabat unhe mila dena aise mere khuda ki wo dono ek duje ke liye kabhi na ro saken……