Aaj Qabar Me Dusra Din Hai Mera…

Ye dhire dhire na jane mujhe kya ho raha hai…
sine me dil nahi hai… fir bhi andar ye mere kaun ro raha hai…..

kabhi mahnge perfume lagaya karta tha main….
bade shaukh se khud ko sajaya karta tha main….

magar aaj mere hi tan ki badbu mujhe kyun jeene nahi de rahi hai….
kal tak to sab theek tha… lekin aaj dusre din hi meri ye kya halat ho rahi hai……

kabar me lash ban kar pada hun suna hai ki lash ko dard bhi nahi hota….
fir ye andar se kya dukh raha hai mere.. main baki murdon ki tarah chain se kyun nahi sota….

mere is hadiyon ke dhanche se itna paseena kyun bah raha hai….
bezuban ho chukka hai dil mera.. magar fir bhi naa jane kuch kah raha hai….

wo jaan ne tammana .. meri dilruba aaj jane kya soch kar ro rahi hogi….
jise main karta tha pyar itna mere jaane ke baad meri hi yadon me kho rahi hogi…

kitna pyar tha use mujhse agar sath hote to kitna khusburat sama hota….
uske gharwalon ne zabardasti na karayi hoti shadi uski… to aaj hum dono ka dil yun tadap kar naa rota….

de aaya tha kasam usko ki mere bina bhi wo zinda rahegi…..
muskurate huye zindagi bitayegi.. dard hoga tab bhi kisi se na kahegi….

magar main hi uske jaane ke baad kamzor sa ho gya tha….
naa jane kyun khud ko khtam kar dala.. us pal ye dimag na jane kaha kho gya tha….

uss raat maa pyari si masumiyat chehre par sajaye chain se so rahi thi….
mujhe ab bhi yaad hai.. kal kaise wo meri lash se lipat kar paglon ki tarah ro rahi thi…..

use bhi to pasand thi wo ladki… jo meri zindagi ban gayi thi….
maa ne bhi to papa ko manane ki kitni koshish ki thi…..

magar papa maa ke lakh manane par bhi na mane….
ulta mujhe aur maa ko lage hazar baten aur gande tane sunane…

magar main janta hun papa bhi mujhse pyar karte the….
pr wo duniya k tano aur apni shohrat khone se darte the…….

Jab maine usko ye baat batai ki mere papa bhi na mane to wo rone lagi thi…
Apno se ladte ladte wo bhi haar gyi thi aur ab gamo me khone lagi…

Use khush rakhne ka wada kiya tha bhala use aur kaise rula sakta tha mai…
Use pa na sakta ko kya huwa magar uski khushi k liye use bhula sakta tha mai……

Rote rote wo gyi thi mujhe chor kr. .. khush rehne ki duwa dekar…
“Agle janam me ham fir milenge” mujhse aise kuch wada lekar….

Mujhe laga tha ki mai use asani se bhula dunga…
Wo waha khush rahegi.. aise bahane bana kar dil ko mana lunga…..

Magar jaise jaise din uski shadi k nadeek ate gye…
Vaise vaise meri zindgi pr gamo k badal chate gye….

Fir wo din aya jab uski shadi kisi aur se ho rahi thi.
Us raat dil me beinteha dara sa tha aur meri rooh paglo ki tarah ro rahi thi…

Ab wo mujhe bhul jayegi. ab use koi aur chuve ga.. aise hi sawal meri rooh ko nochne lage….
Uske bina mai zinda kaise hun. Mere hi wade mujhe kosne lage….

Kuch bhi karke us raat mai uski yado ko bhula na paya..
Us raat sharab ka nasa bhi mujhe sula na paya…..

Aur fir Apni hi chadr bandh kar mai pankhe me jhul gya…
Mere bina meri maa kaise jiyegi.. na jane mai ye kaise bhul gya …..

Isi liye aaj gaddhe me pada hun. Aur meri lash sad rahi hai…
Aur ab to dhire dhire kabr me badbu bhi badh rahi hai….

Mere ek kharoch lagne pr bhi meri maa bechain ho jati thi…
Gar Mujhe Halka sa jukam ho jata to ma sara din meri hi fikar me kho jati thi…..

Aur aaj dekho kabar me akela leta hun aur har taraf bas sannta chaya hai….
Mahobbat me jaan de kar maine kuch na paya hai….

agar koi meri baat sun paa raha hai to sun lo ek pate ki baat bata raha hun….
maine jo ki galti wo tum sab mat karna sach kahta hun khudkhushi kar ke main bahut pachhta raha hun……

Akhiri Diwa hai. Jaise pehle hasti thi tu. Bas vaise hi khilta rahe chehra tera….
Waha shayad tujhe pata bhi na ho. Aaj kabar me duara din hai mera..

(आज कब्र में दूसरा दिन है मेरा Aaj Qabar Me Dusra Din Hai Mera)