Aakhri Mulakat Shayari

In hawaon ki shard lahron me aaj ek nami si hai…
Baki sab to theek yaha bas tere chere pr muskan ki ek kami c hai…

Sare Wade aaj tootane jaa rahe hain…
Ek duje ke hath se hath chhoote jaa rahe hain…

Tera mujhse milna koi ittefakan na tha ye to niyati ka bana bnaya khel tha…
Jaise deh ka mitti me mil jana ek sach hai usi tarah sacha mera aur tumhara mel tha…

Magar ye duniya hamari mohabbat ko samj na payi shayad isliye tujhe mujhse dur kar rahi hai…
Wo nasamjh samajhte hai ki sab sahi ho raha hai. Magar unhe kya pata ki hamari rooh andar hi anadr kis tarah mar rahi hai…

Main kaise bataun sabko ki tumhare bina main kisi aur ko soch nahi sakta …
Main kitni bhi koshish kar lun tumhe bhulne ki magar tumhe chahne se dil ko rok nahi sakta….

Kaise tum mere liye sara din bhukhi pyasi rah kar vrat kiya karti thi…
Kaise mujhe bukhar se tadapta dekh kar tum pal pal mara karti thi….

Kya itna pyar hum dono ke siwa koi aur kar payega…
Shadi ke liye to bahut mil jayenge magar kya ek dusre ki fikar me hamari tarah koi mar payega….

Magar ab kismat ne likh di hai hamari kahani alag to kya kar sakte hain ham…
Hum bhale hi ek dusre ke sath ji na sake magar ek dusre ki yadon ke sath mar sakte hain ham…

Bas ab meri yadon ko khud me zinda rakhna aur main tumhe apne andar se mitne na dunga….
Tumhari yadon ka jahan mere andar bahut dur tak faila hai.. mera wada hai tumse ki mai use kabhi simtne na dunga….

Mai janta hun tumhara pyar mere liye besumar hai…
magar ab tumhe meri yadon se nikal kar apni nayi zindagi me jana hoga qki waha kisi aur ko tumhara intzar hai….

Uske sath tum khush rehna aur un sab sapno ko pura karna jo kabhi ham dono ne ek sath dekhe the …
apne un sare armano ko usse khul kr ke dena, jo tumne mere sath apni ankho se seke the….

Aur suno tum rona nhi kyun ki rone se aksar tumhari zukam se halat kharab ho jati hai…
Kisi ko ye sochne ka ek bhi mauka na dena ki naa jane kyun ye ladki bina baat k rote rote so jati hai….

ab chalta hun is dua ke sath ki tumhe duniya ki har khushi mile…
Bahut royi ho tum meri wajah se ab bas tumhari nayi zindagi me khushiyon k fool khile….

Umeed Karta Hu Mai Hamesha Tumhari Yaado Me Aabad Rahunga…
Tum apni nayi zindgi me bahut khush raho.. tumhe dunya ki har khusi mile.. Mai marte dam tak rab se yahi fariyad karunga…..

Aur tum fikar mat karna hamara nata to 7 janmo hai , agle janm me ham fir milenge…
is janm me ham mil na sakte to kya huwa, hmari mahobbat k fool aane wale har janm me fir khilene….