AKHIRI MULAKAT

Ruko zara , baat to apni kahdi tumne ab meri bhi sunte jao….
Maine to rakhli hai apne man me… tum meri bhi kuch baten apne man me rakhte jao……

Khushkismati mana rahi hun ye soch kar,,….. ki tum jaise sachhe insan se maine pyar kiya….
Magar main ye soch kar ho rahi hun sharm se pani pani ki tumahara masoom sa dil maine tod diya….

Magar meri bhi hai majboori kaise main uss maa ko akela chhod aaun…
Pita ke baad jisne itni mehnat se pala main kaise uska abhiman tod aaun……

Main janti hun tum smjhte ho bahut achhe se mere sab halaton ko….
magar andar hi andar toot rahe ho, meri khushi k liye maan gaye ho in baton ko….

Aur meri kya kahte ho… tum bhi to kitne laparwah ho….
Meri karte ho lakh fikar tum … magar khud ke hal se beprwah ho…

Kasam hai meri tumhe apna dhyan achhe se rakhte huye tumhe sara jeevan jeena hoga…..
Sab kuchh bhool kar ek nayi rah ko chun kar tumhe khushiyon ka pyala peena hoga…..

Aur haan ek baat aur tum meri kaan khol kar sunte jana….
Kasam tumhe hamare pyar ki kabhi bhi apni bike tez mat chalana….

Kar lena tum bhi shadi aur apni jindagi me khushiyon ke sare rang bhar lena…..
Jo sapne tum khareed na sake mere sang tum un sab ko kisi aur ke sath apne naam kar lena….

Khana khane ka pura rakhna dhyan bhookh nahi hai ka bahana mat banana….
Maa tumhe bhookha dekh kr pareshan ho jati hain …please unhe tum is tarah mat stana…..

Khat likhungi tumhe tum un khaton ka jwab dete rahna….
Main mari nahi hun zinda hi hun isliye sudh budh meri bhi lete rahna….

Chalo ab main chalti hun suraj bhi ab chhupne wala hai …..
Mere dil se zyada to aaj is andheri raat me ujala hai…..

Zindagi rahi salamat to fir tumhe zaroor milungi….
Warna agle janam ke liye bhagwan se tumko isi janam me mang lungi…..

tumpe baat baat pr gussa ho jati thi, aaj sochti hun to khud se nafrat si hoti hai…
“gussa na kiya karo mera baccha..”. tumhari ye baat yaad karke meri ankhe roti hai…….

ho sake to mujhe maaf kar dena.. tum hamesha khush raho , mere dil ki har sad kahegi…..
besak mera jism le jayega mujhe apne ghar le jane wala… magar meri rooh hamesha tumahare sath rahegi….

mai janti hu .. iske liye wo mujhse andar hi andar gussa jarur hoga….
khud duniya se ladke k liye taiyar hai mere liye.. maagr aaj meri hi khatir majboor hoga….

mere MALIK us masoom ki hifazat tum karna…
uske kuchh hogya to mai bhi mar jaungai warna…..