best heart touching love sad emotional painful true love story

Badi khushi se sab Pyar mohabbat ki baten karte hain…
Magar is pyar ko apnane se naa jane kyun darte hain…

Ye Kyun nahi samjhte ki do dilon ke milne se hi ye duniya khubsurat hai…
Nafraton ki nahi. Is jahan ko bas pyar ki jarurat hai…

Aaj jo kahani main aapko sunane jaa raha hun us par zara gaur kariyega…
Pyar kitna zaroori hai is samaj ke liye is baat ko dil se samjhiyega….

Har kahani ki tarah is kahani me bhi ek ladka tha…
Har kahani ki tarah wo bhi ek ladki ko pyar karta tha…

Dhire dhire pyar badha fir badhta gya…
Khumar ishq ka dono ke sar chadhta gya….

Wo ladki bhi ladke ki mohabbat me meera si deewani thi…
Sach puchho to wo hubahu bajirao ki mastani thi….

Dono ne kasam kha li thi ki wo ek dusre ke bina nahi rahenge…
Samaj ki bandishon ka bojh wo apne aap par nahi sahenge….

Magar ye duniya pyar kahan apnanti hai…
Jo hai sabse pavitra use hi ye gunah batati hai…

Chheen liya ladki ko ladke se gharwalon ne…
Gher liya ladki ko pita ki izzat ke swalon ne…

Dono ne milne ke bahut se jatan kiye magar safal na ho sake…
Zindagi ne aise mod par la kar khada kiya … ki na wo hans sake na ro sake….

Naa chahte huye bhi dono ko alag hona pada…
Jahan kabhi chehron par hoti thi muskan aaj un chehron ko rona pada….

Kar di gayi shadi kahin kisi aur se uski…
Aisa pati mila na shaql kabhi dekhi thi jiski…

Shayad ladki pita ke khatir ye gum bhi sah leti…
Jab hoti takleef to wo deewaron se kah leti…

Par baat ye thi ki pati uska saitan jaisa tha…
Marta peetata har dam nashe me rahta tha….

Pyar ke naam pe usne hamesha ladki ke jism ko nocha..
Wo hai uski patni usne kabhi na socha…

Saal beeta ek itne me wo masoom ek bachhi ki maa ban gayi…
Ab shayad sab hoga sahi usne khud se ye baat kahi…

Magar na badla pati abhi bhi nashe me usko marta tha…
Kyun ki beti paida ye kah kar har dam jhadta tha…

Intehan jab hogayi jurm ki to pati ko usne chhod diya….
Jo wada kiya tha pita se usne us wada usne tod diya….

Ghar wale bhi apni galti par bahut pachhtaye…
Magar wo kahte hain na jo gya fir laut kr na aaye….

Idhar us ladke ne apna shahar chhod diya tha jahan uski mohabbat raha karti thi…
Aaj wo khud usse dur tha jo “kabhi mujhse dur naa jana” kaha karti thi…

Ladki mayus thi ye jaan kr ki aage uske bhagy me kya likha hai…
Use to bas jaise apni zindagi me andhera hi andhera dikha hai…

Magar ek din achank se ek raste par us ladki ko wo ladka mila tha….
Ladki ka haal dekh kr wo ladka chup na reh paya. Usne ladki ka haal puchh liya tha…

Wo ladki rone lagi use dekh kr. Magar wo ladka use dekh kr ro bhi na paya tha…
Uski ankhe akad si gyi thi kisi laash ki tarah.. kaise bataya ki uske baad wo kabhi chain se so bhi na paya tha….

Wo ladki uski taraf dekh kr rote huve dhire se muskurai.. us ladke ko asia laga jaise bite kayi saal ek pal me apna sara safar tay kr rahe hon….
Ab us ladke ki ankho me nami thi. Jaise uske sare gam pighal kr beh rahe hon…

Nam ankho se usne bite wakt ki sari baat us ladke ko batai…
Wakt jaise tehar sa gya jab usne apni bacchi ki sakl us lakde ko dikhai….

Us masoom ko god me lekar us ladke ko asia laga jaise wo uska hi Koi apna hai….
Jo dekh tha un dono Ne sath mil kar . Ho na ho wo wahi anmol sapna hai…..

Agle hi pal Ladke ne ladki ka hath tham kr kuchh kahna chaha…
Uske ansuon ko poch kr usi ke sath zindagi bhar ke liye rehna chaha….

Ladke ne kaha ki wo aaj bhi uska intzar karta hai…
Jitna pahle wo karta tha pyar usse wo aaj bhi usse utna hi pyar karta hai….

Agar wo chahegi to wo use apna lega…
Banega pati uska aur uski bachchi ka papa banega….

Ladki bhi apne dil se kahan use nikal paayi thi….
Use laga ki ye sab dukh kaate hai isi liye ye khushi ki ghadi aayi thi…

Ab ladki ke gharwale bhi kuchh kah na sakte the….
Apni phool si bachchi ka dard aur wo sah na sakte the…

Mil gaye ladka aur ladki fir se unhone apni zindagi sath sath bitayi….
Bhayank tufano k baad hi sahi. Magar unki zindagi me bhi khushiyan ayi….

Aaj dono k paas mahobbat himmat aur kuch karne ki lagan hai…
Wo ladka paise kamane aur wo ladki ghar chalane me magan hai….

Ye taqat hai pyar ki jise ye duniya samjh nhi pati hai…
Jaat dharm paison k naam pr bematlab hi sacche pyar ko ajmati hai…