Best Heart Touching Sad Love Story 2018

Kitni mohabbat thi use us ladki se aur wo ladki bhi to ishq ka dam bhara karti thi….
Ye raat raat jagta tha uske liye aur wo pal pal iske liye mara karti thi…

Donon ke pyar ki udan bahut upar tak udne lagi thi…
Unke Dil ki taren bhi ab majbooti se judne lagi thin…

Ladka har hafte koi na koi tohfa ladki ko diya karta tha…
Uske liye wo apne maa baap se jhagda bhi kiya karta tha….

Uske pita use kahte ki yun paise barbad na kiya kr… waqt ka kya pata kab badal jaye.. .
Aaj tu mere paison par aiyashi karta hai… kaun jane kal tere naseeb me roti ka ek tukda bhi na aaye…

Magar ladke ko to bas ladki ki mohabbat ne andha kar diya tha…
Maa baap dushman hain uske nadan mohabbat ne uske dil me ye zahar bhar diya tha. ..

Waqt beetata gya ladke ki mohabbat parwan chadhti gayi….
Ladki tohfon se khush thi isi liye ek ke baad ek wade karti gayi….

magar Pita ki baat sach nikli aur waqt ne karwat badal li thi…
Pahle pita bimari se chal base fir maa ki bhi arthi ghar se nikal li thi…

Ab ladka is duniya me akela sa hogya tha…
Aaj Uska har apna uska sath chhuda kar kahin kho gya tha…

Pita ki sari kamayi unki bimari me lag chuki thi….
Wo khud ke liye roti juta sake uske paas ab itni jaydad bhi naa bachi thi…

Bhookh me tadpne ki naubat se achha ladke ne bade shahar jaa kar nayi shuruat karne ka socha..
Wo kuchh samay me paise juta kar laut aayega.. tab tak uska intzar kar sakegi wo? aisa us ladki se puchha….

Ladki ne kaha haan main tumhare liye umar bhar bhi intzar kar sakti hun….
Tum kaho to tumhare liye main hanste huye mar bhi sakti hun…

Ladke ko fir se apni mohabbat ka guman hone laga….
Wo ladki ko gale laga kar zor zor se rone laga…..

Ladka shahar chala gya waha usne khoob mehnat ki thi ….
Kuchh hi waqt me usne achhi khasi rakam bhi juta li thi … .

Do salon ke baad ladki ko apna banane wo apne shahar laut kar jab aaya…
Usne ladki ko bahut dhundha magar use kahin bhi naa paya….

Fir use maloom chala ki ladki ne to uske jaane ke kuchh din baad hi kisi aur se shadi karli hai…
Use samjh aagya tha ki ab iske pas kuchh nahi hai shayad isi liye usne kisi daulatmand ko hami bhar di hai….

Ladki se mil kar ladke ne kaha ki batao aisa kyun kiya tumne…
Tum to mohabbat karti thi mujhse phir kisi aur se nata kyun jod liya tumne….

Ladki ne kaha tumhare pas khud khane ke liye nahi bacha tha to tum mujhe kya khilate….
Pahle kitne tohfe dete the ab bhala aish tum kahan se karate….

Ye sunte hi ladke ke pairon tale zameen khisakne lagi…
Pita ki baat yaad kar ke uski ankhen us ladki k samne hi siskne lagi…

Ladki ko jaata dekh ladka rote huye ye nazam gunane laga….
Jo galti usne ki wo koi aur naa kare sabko ye kah kar batane laga…

Bade ajeeb dastoor hain is duniya ke … honthon par hansi aur dil me vaar rakhte hain….
Hum baddimag naram dil log jise apna smjhte hain … wakt ane pr wahi hame barbad karte hai…..