Best Shayari For Sister | Hindi Poetry For #Sis

Phoolon ka taron ka bhale hi jiska marji kahna hai…
Ek hajaron me meri bahna hai ye maine nahi kahna hai…

Jaanta hun ye laine padh ke tu bahut chillayegi…
Jhootha mutha muh bana ke khoob gussa dikhayegi…

Kabhi kahegi papa ko to kabhi mammy se shikayat meri karegi…
Magar kahin daant na kha jaun main ye sochte huye bhi daregi….

Sabse jyada baaten bhi tune hi sunvayi hain aur sabse jyada bachaya bhi tune hi hai…
Mujhe sabse jyada khushi bhi tune hi di hai aur sabse jyada sataya bhi tune hi hai….

Magar in lakh jhagdon ke baad bhi tujhe main jaan se bhi jyada pyar karta hun…
Magar kahin tu mujhe chidha kar filmi na kahe isi baat se main ye baat tujhse kehne se darta hun….

Tu meri bahan hi nahi meri hamraj meri sabse achchi dost bhi hai….
Kaise main bhoolun tera kiya.. tune kai baar apni pocketmoney mujhe di hai…

Khair ye to hain hasi majak ki baaten main ab asli mudde par aata hun…
Kya hai tere liye mere dil me ye main aaj sach sach batlata hun…

Aaye din akhbaron ki surkhiyan mujhe buri tarah darati hain…
Bachchiyon ke sath hone wali darindgi ki khabren meri rooh tak ko hilati hain….

Kai baar main tere pichhe tere collage tak aa kar tujhe chhod gya hun…
Kabhi na karenge ek duje ki jasoosi main ye wada kai baar tod gya hun….

Main karna nahi chahta aisa magar kya karun wo bus sadak apartment me ghoorti ankhen mujhe darati hain…
Kiski hoti hain ye pata nahi magar wo anjan chikhen mujhse bahut kuchh kah jaati hain….

Bas isi liye main har samay tujhe apni najron ke samne rakhna chahta hun…
Wo jo hote hain un badnaseeb bachchiyon ke bhai main waisa nahi banna chahta hun….

Ye na sochna kabhi ki tujh par maine bandishen dal rakhi hain…
Kabhi na dil me lana ki teri koi lagam hai jo maine thaam rakhi hai….

Tu aazad hai ek dam se padhne aur apne man pasand ka jeevansathi chunne ke liye…
Mera yakeen kar tujhe koi na rokega tere khud ke sapne bunne ke liye….

Ye koi job nhi.. ye bas ek bhai ka ek bahan ke liye farj hai bahna…
Aur jo man kare so kah dena magar main nibha na saka kabhi bhai ka farj kabhi ye na kahna….

Aaj rakshabandhan hai isi liye tujhe ye khat bhej kr tujhe hamesgha kush rahne ki duwa deta hun…
Tere bahane se main sabhi bhaiyon se aaj ek wada leta hun….

Ki agar aapki bhi hai bahan to uska khayal karte huye kisi ladki ko pareshan mat kiriye….
Us pr comment karne se pehle.. wo bhi to kisi ki behan hogi.. aur fir apni behan ko kya muh dikhayene.. is baat ko soch kr dariye…..

#RakshaBandhanSpecial