Boyfriend Apke Pyar Ki Kadar Nahi Karta ? Ise Suna Do…

 

 

Sacche Ishq ka rog lagaya hai is dil ne to bhugtungi taa umar ab ise….
Jise pujati hun wohi nahi sunta.. to apna dukh ab main sunau kise…..

Zindagi ki sari jama punji tere pyar ke upar hi war baithi hun….
Kya dosh dun main thokron ko… jab mai ek pathar pe apna ye mom sa dil har baithi hun….

tujhse chand taron ke beech koi mahal yaa daulat arbon kharbon ki kahan mangti hun…
Bas mere pyar ki kare tu kadar aur puchhta rahe mera hal chal bas yahi to chahti hun….

Meri zindagi ka ek hi maksad hai ki tujhe dil ke mandir me basa kar teri karoon pooja…
Tu mere liye is duniya me sabse ajeez hai tujhsa mere dil ne kahin dekha nahi koi dooja…..

Jab jab mai ankhen band karti hun , sirf teri surat hi ankhon ke samne dikhai deti hai…..
mere ajanbi meri sanse bas sote jagte huve tera naam japti hain…meri dhadkano se teri awaj sunai deti hai…..

Main is duniya se lad jane ki himmat rakhti hun sirf tere liye….
Magar na jane tu kyun itni berukhi pale huve hai apne dil me mere liye…..

Maine tujhse ishq kiya hai dil o jaan se mere dilbar.. koi vyopar nahi kiya….
kash Tu samjhta mere jazbaton ko bhi.. magar mujhe to lagta hai ki tune dil se kabhi mujhe pyar nahi kiya….

Magar fikar mat karna main har hal me tujhe chahti rahungi apne saton janam…
Tu hi mere har raste ki manzil hoga main jab bhi badhaungi teri taraf hi badhega mera har kadam…

Bas guzarish hai itni ki mujhe is tarah se andekha na kiya kr jaise main hun hi nahi…
Maine chaha hai tujhe khuda ki tarah .. main pagal hun tere ishq me… ye mera ishq bas un hi nahi….

Kadar zara si hi sahi magar karna seekh le meri mohabbat ki.. kyun ki ye badi mushkil se milti hai is jahan me…
Agar aaj nahi kar paya meri kadar … to rota milega meri kabar par tu kisi kabristan me …..

khuda tujhe khushiyon aur nemton se bakshe bas yahi dua main dil se har baar karti hun…
Tu kitna bhi mujhse dur hota chala jaye magar main tujhpe dil o jaan se marti hun…….

duwa karungai khuda se .. k mere liye jo bhi pyar ho tere dil me.. … kaash wo badta rahe…..
jab bhi tujhe jarurat ho kisi ki ,, tab sabse pehle teri juban mera naam kahe……

tujhe pata hai ?? mai Mahino pehle se tere Janamdin Ka intzar karti hun….
shayad tu nhi janta k ek ek din mai kitni besarbi se ginti hun…..

tujhe teri manjil naseeb ho.. har baar ki tarah is jandin pr bhi meri yahi duwa rahegi…..
is din bhi teri ek jhalak mujhe naseeb ho ya na ho, magr tu khush rahe mere dil ki har sada kahegi……