Ek Masoom Si Ladki Ki Love Story (REAL)

Wo masoom si thi.. wo to bas khule asman me udana chahti thi…..
Use aur kuchh nahi chahiye tha.. wo bas thoda aur padhna chahti thi…

Pita ne usko samjhaya ki gaon ki betiyan zyada padha nahi karti…
Unki zindagi hoti hai gaon ki sarhad… wo asman me door tak uda nahi karti….

Magar wo ladli beti pakad ke baith gayi zid shahar jane ki…
Uske man me to bas lalak thi apne sapno ka ek mahal banane ki….

Pita bhi ikalauti beti ka kaha kitna waqt tak taal sakte the…
Chhod diya sab kismat ke hath unhone.. sambhala jitna wo sambhal sakte the…

Padhne ka sapna liye wo masoom si ladki shahar aa gyi…
Usko yaha aane ke baad yaha ki raunak aur bha gayi…

Sara din kitabon me hi ghusi rahti aur bas class kiya karti thi…
Kisi se bolne chalne me wo akasar dara karti thi….

Use yaad aajati thi pita ki baat jo unhone ghar se nikalte huye kahi thi….
Beta meri izzat ka khyal rakhna.
. ye baat unki bahti hui aankhen kah rahi thi….

Ladki samjhdar thi bahut magar niyati par kiska zor chalta hai…
Kaun janta hai ki kal ki muthhi me hamare liye naya kya palta hai…

Ladki ko maloom bhi nhi tha aur wo ek ladke ko bha gayi thi…
Us ladke ki soch me ye masoom ladki poori tarah chha gayi thi….

Usne ladki ka har jagah pichha karna shuru kar diya tha…
Ab Ladki ne bhi dhire dhire ladke ki harkaton ko note kiya tha….

Ek din dekh kar mauka ladke ne ladki ko dil ka haal bayan kar diya…
Magar uske izhar ne Ladki ke man me ek anjana sa dar bhar diya…

Pahle to ladki ne saf mana kiya magar ladke ne dikhaya aisa ki jaise wo usse sacha pyar karta hai……
Ladki bhi kuchh mahinon me samjh gayi ki uska dil us ladke ki baton pr aytbaar karta hai…

Ladki ne ladke ke samne apna dil haar diya…
Pita ne jo khinchi lakeer thi.. ladki ne use paar kiya….

Dono ki prem kahani mauj me aage badhne lagi …
Ladki ladke ki ankhon se apne liye pyar ko padhne lagi …

Use laga shayad yahi tha wo jiske liye niyati use yaha tak keech kr layi thi…
usne kuchh galat nahi kiya hai.. ye jodi to bhagwan ne upar se banayi thi…

Samay beetata gya ab ladke ki chahat badhne lagi thi…
Ladki idhar uske sath zindagi bitane ke khubsurat sapne gadhne lagi thi…

Ek din akela paa kar ladke ne ldki ko bahon me bharna chaha tha…
Bahon me bhar kar uske saath kuchh vaisa karna chaha tha…

Ladki ka man abhi itna bhi kachcha nai tha…
Wo jhat se samjh gayi.. uska dil to bachcha tha magar dimag bachcha na tha….

Usne ladke ko door jhatak diya aur gusse me use dekhne lagi…
Ladka wahashi ban kar uski taraf badha tha Ladki waha pada saman uski or fainke lagi….

Chot kha kr ladke ne kaha ki tum jaisi ladkiyan mere liye aam si baat hain….
Tumse acchi kayin hain meri zindagi me.. jinki bahon me katti meri raat hai….

Itna keh kr wo ladka waha se chala gya tha….
Aaj fir ek baar kisi masoom ko mohabbat me chala gya tha….

Us puri raat wo apne toote armano ko le kar roti rahi…
uske Wo sab khawab jhuthe the jinhe wo aaj tak sanjoti rahi….

Ladki ki masoomiyat ka wo ladka fayda uthana chahta tha…
Wo us ladki ko nahi bas uske jism ko pana chahta tha….

Ladki ne tay kiya ki ab wo aage ki padhai apne ghar se hi karegi…
Jaisa kahenge pita ji ab wo vaise hi rahegi….

Ek jhoothe pyar ne us ladki ke aane wale sunahre kal me andhera kar diya….
Wo jitna khush hoti thi pyar ka naam sun kar utna hi pyar ke liye uske man me zahar bhar diya….

Keh ke shahar ko alwida wo apne gaon ja rahi hai…
Ek baar fir ek masoom kisi se saccha pyar karke pachta rahi hai…..