Girlfriend ki shadi ki sad shayari boyfriend ki taraf se

Aaj meri zindagi ka sabse manhoos din hai doston…
Meri jaan ki shadi aaj ho rahi mere bin hai doston…

Kya kya na sapne dekhe the hamne.. kya kya na hamne soch liya tha…
Log karte hain jismon se mahobbat.. hame rohon se pyar kiya tha….

Magar kismat ne aisa khel khela ki jag sara dusman ho gya…
Purane riwazon ki bheed me hamara pyar naa jane kahan kho gya…..

Aaj shadi hai uski sab use saja rahe honge aur wo ro rahi hogi….
Sab hans rahe honge aur wo mere khyalon me hi kho rahi hogi …

Uski Ankhon ka kajal baar baar uske ansuon se dhul raha hoga…
Uski mang ka teeka bhi udas ho kar uske balon se khul raha hoga…

Uska wo lahnga jiske wo sapne dekha karti thi uspar bhi udasi chhai hogi….
Uske man me udasi k geet baj rahe honge magar uske ghar me baj rahi shahnai hogi…..

Hazaron ke makeup ke baad bhi uske chehre par mere sath wali khushi na ayi hogi…
Aaj ke din bhi uske zahan me sirf aur sirf mayusi hi chhai hogi…

Uske pita ne use rota dekh ghoor kar usse ye kaha hoga…
Teri khushi se badi meri izzat hai isi liye shadi usi se hogi jise maine chuna hoga….

Mandap me jab dulha uska pahli baar deedar karega…
Kismat achhi hai bahut.. is baat par wo aitbaar karega…

Dulhe ki ankhen uske mayus chehre par bhi khubsurti talash rahi hogi…
Magar dulhan ke jode me bhi wo lag zinda lash rahi hogi….

Main janta hun wo ziddi hai itni jaldi wo apni har na manegi…
Wo apni akhri sans tak kisi aur ko apna dildar na manegi…..

de aaya hun kasam usko ki mere bina bhi wo zinda rahegi…..
muskurate huye zindagi bitayegi.. dard hoga tab bhi kisi se na kahegi….

mere MALIK us masoo ki hifazat tum karna…
use kuchh hogya to mai bhi mar jaunga warna……

(girlfriend ki shadi ki sad shayari boyfriend ki taraf se, sad shayari hindi, dard bhari sad shayari, heart touching best sad shayari hindi)