Heart Melting Love Story | Ek Ladki ki Dard Bhari Prem Kahani Shayari Me

Akasar mohabbat me majburi ke naam pr na jane kitni ladkiyan badnam hoti hain….
Upar se dikhti hain ki wo bahut sakht magar andar se wo khoon ke ansoo roti hain….

Log kahte hain ki ladkiyon ko mohabbat ki kadar nahi hoti sache pyar ko thukra kar wo jhuthe pyar ke liye roti hain…
Na jane kaise ashiqon ko raat raat bhar jaga kar khud kaise itne aram se wo soti hain…..

Magar aaj kisamat ne bada ajab khel mere sath khela hai doston…..
Aaj ek ladki ko tanhai bhare raste par ek ladke ne dhakela hai doston….

Aaj ek ladke ne ek ladki ko majburi ka bahana bana kar chhod diya hai…
Itna komal sa nazuk sa mera dil tha us bedard ne apni thokron se use tod diya…..

Aaj wo apne sehre ko saja raha hoga, chhup chhup ke do char ansu bhi baha raha hoga….
Marad hai na khul kar ro bhi nahi sakta … isi liye doston ke samne jhutha muskura raha hoga……

Uske pita ne dhire se use koi tamasha na khada karne ke liye dhamkaya hoga…
Uske hi hathon main uske baap ke zuban ki izzat hai ye use bade pyar se smjhaya hoga…..

Main idhar ro ro ke kar rahi hun apna haal karab… ye khabar bhi uske kanon tak pahunchi hogi…
Jab uske sabse achhe dost ne chori se mera hal use sunaya hoga…..

Usne jo sapne dekhe honge mere ghar barat lane ke wo sare sapne aaj adhure ho rahe honge…..
Itne mubarak mauke par bhi uski kismat ke sitare us par bilakh bilkh ke ro rahe honge….

Wo dho leta hoga chehra apna jab Use baar baar mera chehra yaad aata hoga….
Wo aaraha hai meri hi doli lene… use baar baar ye vaham ho jata hoga…..

Badi mushkil se usne khud ke dil ko ghodi par chadhne ke liye manaya hoga….
Ab kuchh ho nahi sakta yahi kah kar usne bar bar dil ko samjhaya hoga…..

Jate huye apni barat ke sang jab wo mere darwaze ki taraf mud mud kar dekh raha hoga….
Itni bheed kyun lagi hai mere angan me … bar bar yahi soch raha hoga…..

Shadi ke feron ki aag dekh kar uska man achanak se machal jayega….
Main ab is duniya me nahi rahi .. jab uska dost aakar use dhire se ye khabar sunayega…………..