Heart Touching Letter To Mom Hindi 2018

Papa ke jaane ke baad tumne hi to mujhe sambhala hai maa ..
Aayin bahut si mushkilen raah me magar un sabse ladte huye mujhko tumne hi to pala hai maa…

Main bhala kaise tumhare ahsanon ka badla chuka paunga….
Jis tarah tumne maa hone ka farz nibhaya hai.. main us tarah bhala kaise ek bete hone ka farz nibha paunga…

Tum kah do agar din ko raat to mai din ko hi raat maan lunga…
Wada hai maa tumhe kabhi kuch kehna na padega.. mai teri ankho se sab pehchan lunga….

Magar maa meri ek chhoti si khwahish ko tum pura kardo na…
Us masoom si ladki ko mujhse dur kar kr mujhe yun tum adhoora na karo…. Meri khatir Han bhar do na….

Maa janti ho wo gareeb hai magar uske sanskar aise hain jiske aage arbon ki daulat bekar hai…
Mithi boli aur komal sa man hai uska… Heer se bhi saccha uska pyar hai….

Ab tum hi batawo maa mai kaise ji paunga apne pyar ko kho kar,….
jab rooh meri uske paas hai to kaise wafa nibhaunga kisi gair ka ho kar……

Maa tumne hi to sikhaya tha ki insan apne karmon se bada ya chhota hota hai…
Tumne hi to kaha tha maa ki jiska dil maila ho wo sari umar apne kiye par rota hai….

To maa batao na wo saf dil ki ho kar bhi kyun meri mohabbat ke liye ro rahi hai….
Kya kasoor hai us masoom si ladki ka jo apne ansuon se apne dil ke zakhamo ko dho rahi hai…

Maa tumhe maloom hai use mujhse zyada tumhari fikar rahti hai…
Maa ka khyal rakha kariye wo aksar mujhse ye baat kahti hai….

Aur mujhme to jaise us pagli ki jaan aur uski sari duniya hi basti hai…
Jaise machhli tadapti hai pani k liye waise hi wo meri deed ko tarasti hai….

Maa hamne bin bataye hi mahobbat kar ki to kya uske sare gunon ko tum nazar andaz kar dogi….
Batao maa kya tum apne hathon se apne bete ki jholi me kante bhar dogi….

Aaj meri baat maan lijiye maa.. main uske sath zindagi ka har sitam sah lunga…
Wo mil jaye fir aap jis hal me kahogi main usi hal me rah lunga….