Heart touching love letter for Rape Victim girlfriend

Jo kiya darindon ne tere sath usme teri galti kahan thi…
Tu to kah bhi na saki apna dard sabko tu aaj bhi bejuban hai kal bhi bejuban thi…

Kahne se fayda bhi bhala kya hota yaha har koi tujhe hi galat thahrayega…
vahshi darinde khule aam gumte rahe.. magar tu ghar se nikli to har koi tujhe hi bura batayega…

Tu chikhati chillati rahi magar main teri pukar ko sun naa paya…
har pal to tere sath raha …. magar Na jane q mai us din tere sath na aya….

Tujhe kitna yakeen tha mujh par magar ab tu meri chhuan se bhi darti hai…
Kis tarah se baith gya hai un darindon ka dar tujhme jo tu mujhse bhi parda karti hai…

Janta hun jayaj hai tera darna magar main hamesha tere sath rahunga….
Tujh par jo bhi ungli uthayega use main apne tareeke se dekh luunga….

Hamare sapno ka mahal aaj bhi hamare intzar me hai…
Mera yakeen kar abhi kuchh bhi nahi badla hai.. ye dil aaj bhi tere pyar me hai….

Jo kuchh hua uske liye tu kahin se zimmedar nahi aisa main hamesha manta hun…
Tujhe sirf mujhse mohabbat hai aur hamesha rahegi ye baat mai achhe se janta hun…

Dhire dhire bhula de un bhayanak palon ko ki khubsurat zindagi tera intzar kar rahi hai…
Tu dulhan ban kar chal meri sath .. meri maa tujhe dekhne ke liye tadap rahi hai….

Koi kuchh bhi nahi kahega ye main wada karta hun tujhse…
Tu kal bhi paak thi aur aaj bhi paak hai ye likhwa ke rakh le mujhse…

Mera pyar itna kamzor nahi ki ek bure hadse se toot jaye…
Duniya ki koi aisi taqat nahi jiske zor se hamara sath chhoot jaye….

Heart touching love letter for Rape Victim girlfriend, heart touching love letter in hindi