Heart Touching Real Love Story

Ek ladki jo meri zindagi ka hissa thi…
Main kitab hun agar to wo uske andar ka har kissa thi….

Mujhe dekhe bina uski subah na hua karti thi….
Jaise mujh par koi kharonch na aajaye itne pyar se wo mujhe chhua karti thi….

Mujhe yaad hai school ke wo suhane din..
Jab hum rah nahi paate the ek duje bin….

Wo copy ke pichhe pannon pe meri surat banati thi…
Main desk par likha karta tha wo sab baten jo use dekh mere zahan me aati thi….

Ek shaukh tha use mehandi lagane ka….
Mehandi laga ke usme mera naam chhupane ka….

Wo akasar kahti ‘apna naam dhoondho isme’ apne rangeen hathon ko aage kar ke…
Main thak jata mujhe milta na tha naam apna to main naa me sar hila diya karta tha dar ke….

Mere bachchon se sahme huye chehre ko dekh…
Wo hans diya karti thi bahut tez….

Fir wo haule se mere baalon ko sahlati thi…
Kahan chhupa hai uske mehndi wale hathon me naam mera
Bade pyar se wo mujhko batati thi…..

Badi pagli si thi wo bebaat lad jati thi mujhse…
Chhoti chhoti baat pe kahti ‘abse main na bolungi tujhse…

Ek dafa to jo uske mehndi ka rang utna chadha nahi….
Usne jhat se kah diya is hafte tune pyar utna kiya nahi….

Aisi hi betuki baaton par wo aksa bachchon ki tarsh rooth jaati thi…
Main manane jo jata to apne nakhron se mujhe bahut satati thi….

Sab kuchh achha tha ke fir ek din bahas pade the hum dono…
Wo bhi naraz thi main bhi naraz tha na jane kitne dino tak na bole the hum dono….

Usne call kiya to maine gusse me jawab bhi na diya…
Jo uthaya ph maine to ulta usko hi daant diya….

Din beete to usne shcool aana hi chhod diya…
Mujhko laga ki us ne bewafa ho kar dil mera tod diya….

Main sach jaanane ke liye jab uski saheli se mila….
Jab uski saheli ne sach bataya to main andar se hila….

Usne hamare pyar ke baare me apne ghar bataya tha…
Mere hi sath jeene marne ka irada gharwalon ke samne jataya tha….

Iske baad jo hua wo kabhi na hota to achha hota…
Main jaan leta takleef uski agar mera man sachcha hota…

Sach jaanne ke baad use khoob maar peet kar daraya gya…
Wo log mujhko bhi jaan se maar denge ye kah ke use dhamkaya gya…

Usne bhi zid thaan li ki mere siwa wo khud ko kisi aur ka na hone degi…
Jo use pyar mila hai mujhse is janam wo use na khone degi….

Bas yahi soch Mere naam aath pannon ka ek khat Kar…
Khud ko kar ke khatam nikal padi wo tay karne kisi aur duniya ka safar….

Khat Me likkha tha ki main chahun to uska dil cheer kar ye dekh lun…
Usne bas mujhko hi chaha hai is baat par yakeen karun….

Iske sath likha tha ki main uske baad khud ka khyal rakhunga aisa wada karun….
Zindagi ki ye daud bahut tez hai. Usko bhool kar age badhne ka irada karun…..

Magar wo bhool gayi shayad ki jitna wo karti thi utna hi pyar main bhi karta hun…
Agar wo de sakti hai jaan apni to mai bhi marme se kahan darta hun…

Magar main apna wada har roj kiston me mar kar bhi nibhata rahunga ….
Wo bhale hi kisi aur jahan me mujhe chhod kar chali gyi magar main har dam use chahta rahunga….

Meri har sans uski mohabbat ki karazdar hai…
Aye mere khuda usse keh dena.. ki mujhe aaj bhi usse utna hi pyar hai…