Kal Sasural Me Tumhari Pahli Diwali Rahi Hogi…

Kal sasural me tumhari pahli diwali rahi hogi….
Man hi man tumne hamse na jane kya kya baat kahi hogi….

Har bar ki tarah pahla diya mujhe diwali ki badhai dete huye jalaya hoga….
us diwali ki raat hamne kaun si kasme khayi thi, ye sochte huye rangoli ko sajaya hoga…..

Fir tumne hamari gali se guzarne ki raah dekhi hogi…
Hum aayenge aur utha lenge ye soch kr darwaze ke pas ek chithhi fenki hogi…

Hamare pyare se diwali gift ka bhi tumne khoob intzar kiya hoga…
Aaj dikh jaun main tumhe kisi bahane ye soch kar bhagwan ke sath kai bar mera bhi naam liya hoga….

Magar afsos tabhi tumhare samne wo naya chehra aaya hoga….
Tum ab meri nahi uski ho chuki ho usne anjane me muskura kar tumhe bataya hoga…

Idhar maine tumhare ghar ke na jane kitne chakar kat diye….
Apne khushiyon ke deep maine kai andheri bastiyon me bant diye….

Kitna kuchh bas ek sal me hi badal gya na jaan meri…
Tum gyi kya mujhe chor kr, khud se hi main bhool gya pahchan meri….

Ab ujale bhi andhere aur mithaiyan bhi fiki lagne lagi hain….
Pahle intzar karta ta diwali ka magar ab raushni to jaise chubhne lagi hai….

Hamare sapno ka mahal waqt ki maar se dekho kaise choor choor hogya….
Ab hamari kaisi diwali jab hamari zindgi ka noor hi hamse dur hogya…..