Love Marriage Karne Ja Rahe Ladle Ka Aakhri Khat Apne Pita k Naam

Papa mujhe maaf kar dena aaj mai ghar chor kr ja raha hun…..
Uske sath hi jeene marne ka maine wada kiya hai. Isliye aaj apna wada nibha raha hun…

Mujhe aapki bahut yaad ayegi lekin main fir bhi ghar kabhi laut kar naa aaunga….
mera Man nahi mana isi liye bata raha hun warna socha tha ki ye kadam uthane ke baad hi bataunga….

Baat aisi hai papa ki main aapke aur is samaj ke dhakoslon se tang aa chukka hun…
Maine bahut koshish ki aapko samjhane ki magar aapke naa manane par aaj jahan se lautna hai mushkil hai usi dorahe par aa khada hun….

Do din baad main us ladki se shadi karne jaa raha hun jiske liye aapne mana kar diya tha…
Mujhe nafrat ho gayi thi un khokhle riwazon se jis din bina puchhe apne kisi anjan ladki se mera rishta tay kar diya tha….

Meri baat ko zara thande dimag se sochiyega aur fir khud se puchhiyega ki maine jo kiya wo sahi tha ya nahi…
Agar maine aaj khud ki khwahishon ko maar diya papa.. to chain se mar bhi naa paunga kahin….

Main kaise chhod dun us ladki ko akela jisne mere liye duniya se bagawat kar li hai…
Usne chhoti chhoti khushiyon ke deep jala kar meri zindagi ko ujalon se bhar di hai….

Wo masoom si hai uska ab mere siva aur koi sahara nahi hai….
Use mere bina marna manzoor hai magar mujhse juda hona kabhi gawara nahi hai……

Maine aaj agar uska sath chhod diya to to wo apni zindagi se muh mod legi…
Jeete jee to mujhe bhulayegi nahi haan magar apni sanson se rishta tod legi….

Aap hi ne to mujhe bachchpan me sikhaya tha ki beta kisi ko kabhi rulana mat….
Mohabbat karne wale milte hain kismet se jo mile use kabhi bhulana mat….

Aap hi sochiye ki jisne mere liye itna kuchh kiya bhala aaj mai use akela chhod kr kaise chala jaun…
Main kyun nahi de sakta sath uska.. iski wajah use main kya bataun….

Is faisle ke baad bhale hi aap mujhe apna beta mane ya na mane magar aap mere pita hameha rahenge…
Main ab aaunga apni maa ki bahu ke sath aapse ashirwad lene ab ye faisla aap ka hoga ki aap hame kya kahenge….