Motivational Shayari For Love

Suno ek baat kahna chahta hun tumse… magar tumhare gusse se darta hun mai…
Tumhe pata hai jab tun Udas ho jati ho… To tumhri naak pakode jaisi ho jati hai.. magar fir bhi tumse bahut pyar karta hun mai….

Ek aur baat hai jo maine tumse aaj tak chhupayi hai… tumhari narazgi ke dar se…
Rote huye tumhari naak bachon ki tarah bahne lagti hai isi liye aaj main rumal le ke aaya hun ghar se…..

Chalo ab hans bhi do dekho maine kitna mazak tumse kiya hai…
Tum fir se ro na do isi liye dekho maine apne ansuon ko bhi rok liya hai….

Tum na jane mere hote huye aise kyun ghabra rahi ho…
Tumhe mere sath abhi 100 saal tak rahna hai.. tum mujhe chhod kar kahin nahi jaa rahi ho….

Maine pyar kiya hai tumse tumhe bas meri ho kar rahna hai…
Mujhe ratti bhar parwah nahi ki docter ka kya kahna hai…

Bhagwan na kare agar tumhe kuchh ho bhi gya to main bhagwan ke wahan se tumhe wapis le kar aaunga….
Tum meri baat yaad rakhna main har pal tumhare sath hun tumhe chhod kar mai kahin na jaunga…..

Tum dekhna jaldi hi tum pahle ki tarah shararaten karti hui mujhe khoob chidhaogi….
Main jitna gussa karunga tum utna hi mujhe tang karti jaogi…..

Hame to abhi apne sare sapnon ko haqeeqat ki zameen par le ke aana hai…
mahobbat duniya ka sabse khunsurat ahsaas hai. ye abhi sari duniya ko batana hai…..

Koi bhi mushkil insan ka rasta kabhi rok nahi sakti hain ye baat kabhi tumne hi to mujhe sikhayi thi…
Main to is duniya se kab ka haar gaya hota magar tumne hi to jeene ki asal rah mujhe dikhayi thi….

Ab meri baari hai ki main tumhe apne sath le kar bas aage badhta rahun…
Tumhari zindagi ko khushhal karne ke liye… mujhse jo ban paye main wo sab mai karta rahun….

Tum bas himmat na harna baki tumhe main kuchh bhi hone na dunga…
Tumhare chehre par saji rahengi muskurahten hamesh main tumhe ek pal ke liye bhi rone na dunga…..

(motivational shayari for love)