One sided love story of a boy #Hindi poetry

Kya hadsa hua tha tum sab Ko aaj mai batata hun….
Ek najuk sa dil jala tha kaise uski dastan main sunata hun….

Wo waqt tha anootha kuch umar bhi meri nadan thi…
Jawani ke josh me tha tab khwahidhen bhi jawan thin…

Ek hoor si ladki collage me nayi nayi aayi thi…
Jab dekha tha usko maine pahli nazar me hi wo bhayi thi….

Main beta tha ek gareeb ka wo ameer ki beti thi…
Mera zameen par tha bistar wo jaise noton ki sej par leti thi….

Magar kahte hain pyar hota hai bulkul andha sa…
Yahan sab chalta hai bilkul gorakh dhandha sa…

Maine bhi dil me ek arjoo si paal li thi…
Dil ke kone me uske liye ek chahat sambhal li thi…

Main padhne me tha achha iski har taraf charcha thi…
Shayad isi liye wo ladki ek din darti hui mere pas aayi thi…

Chahiye the mere notes usko maine pyar se diye the…
Use dekhte hi laga jaise mai ise abhi izhar kar dun badi.. mushkil se maine jazbat kabu kiye the….

Uske baad se hamari baat roz roz hone lagi thi…
Mujhe lagne laga tha aisa jaise wo meri sohabat me khone lagi thi…

Main man hi man use apna banane ke sapne sajata raha…
Uske rahne layak apne sapno ka ek ghar banata raha….

Ab hamari dosti thi pakki main khushi se jhoomta gata tha…
Main tha use bahut pyar karta har wakt bas uski khariyat manata tha…

Fir ek roz maine socha ki ab pyar ka izhar kar deta hun….
Uske kadmo ke aage apna dil jaa ke dhar deta hun….

Ek baar maine apni gareebi dekhi socha wo mana kar degi….
Fir socha maine kahne me kya jata hai zyada se zyada naa hi to kar degi….

Main le ke foolon ka ek guldasta use khojta hua collage ground pahuncha….
Magar dekh kar waha ka nazara main ek pal ke liye chaunka….

Wo kisi aur ki bahon me khadi thi sudh budh bhulaye…
Kabhi chumti thi matha uska to kabhi leti thi balayen….

Ek baar ko to aaya gussa ki ye kya zulm dha rahi hai….
Jab main karta hun pyar usse fir wo kyun q kisi gair ko apna bana rahi hai….

Fir gaur se maine socha ki wo mujhse pyar karti hi kahan thi…
Main hi badh raha tha aage wo to jahan ki tahan thi…

Mohabbat par bhala zor kiska, kaun kisi ke hisab se chahta hai…
Kayi baar jo kisi aur ka hai. Dil uske liye machalta hai…

Jaise maine usko chaha wo bhi kisi aur ko chahti hogi..
Jaise mai use apna manta hun. Vaise wo use apna manti hogi…

Yahi soch kar main waha se ulte pair laut aaya…
Lab muskura rahe the mere aur ro raha tha dil chot khaya….

Us din meri mohabbat nahi mari thi wo mere dil me aaj zinda hai…
Pyar ko kaid nahi kiya ja skata.. ye bulkul azad aur udta parinda hai….