Poor Boy And Rich Girl Love Story – Valentine Special

Wo udta parinda apni mauj me badi masti se jeeta tha…
Wo rona nahi janta tha kyun ki uska bachchpan gareebi me beeta tha….

Jee thi zindagi usne badi zindadili se ab tak…
Jab tak mushkilen har na jati wo usnse ladta tha tab tak….

Magar badli kismat jab wo ek din kisi ajnabee ladki se mila tha…
Ladki ladke se kuch puch rahi thi.. Magar ladka ek dam khamosh sa khada tha….

Wo ladki thi duniya ke shor gul se pare khud me khoyi huyi…
Sab kuch tha uske paas pr Be matalab hi uski aankhe lagti thi royi huyi……

Us ladki ko wo ladka saccha laga, fir dhire dhire wo usse milne lagi thi…
Ab dono ek dusre ko jaanne lage Aur unki dosti bhi khilne lagi thi…..

Wo sehjadi us gareeb ko man hi man me pyar karti thi…
Magar usse apne dil ki baat kehne se darti thi……

Qki wo ladka Us ladki ki taraf dekhna bhi sahi na samjhta tha…
Shayad wo ladki aur apni haisiyat dekh kr darta tha….

Magar ladki ki mohabbat ne us ladke k man ek din pighla diya…..
Aur Ladke ne bhi ladki ko apne dil-o-jaan se apna liya….

Wo dono bas ek dusre se pyar karne ko hi jeena manne lage the…
Ab jaa ke kahin dono ke soye huye arman bhi jagne lage the…

Lekin yaha sirf pyar bhala kisko raas aata hai…
Paisa hi to insan ko zindagi ke achhe bure rang dikhata hai…

Ladki asman ka sitara thi to ladke ki kismat sadak ki dhool thi…
Ladka jo kabhi masti me rahta tha use ab smjh aaya ki uska gareeb hona ek bahut badi bhool thi….

Ladki mehngi gadiyon se chalti thi to ladka paidal hi chala karta tha…
Zameen par lete huye chand ko chhune ka uske man me arman pala karta tha….

Ladki samjhti thi ki ladka uski amiri ki wajah se darta hai…
Ladki ye bhi janti thi ki wo ladka hi hai jo duniya me use sabse zyada pyar karta hai…..

wakt bita ab dono ke dil me khyal shadi ka sajne laga tha…
magar zami asman kaise ek honge ye dar bhi ab dono ko lagne laga tha…

Ek din himmat karke ladki ne ladke k sath ja kar apne baba se apne dil ki baat kahi thi…
Mai inse bahut pyar karti hun. Mujhe inse shadi karni hai. Aisa keh kr wo rone lagi thi….

magar baba ne ladke ko dekh kr ek dam se nakara…
apni bezti sunkar wo ghar se nikal aaya bechara….

Ladki ne apne ghar kah diya ki wo ab sab chhod kar us ladke ke pas jaa rahi hai…
Use nahi chahiye dhan daulat wo ab ladke ko hi apni zindagi bana rahi hai….

Ladki ke ghar walon ne use bahut mana kiya magar ladki naa mani….
Laut aayi ladke ke paas aur shuru ki zindagi ki nayi kahani….

Ladki ka sath pakar wo ladka din raat mehnat karne laga…
Sab kuch bhul gya bas mehanat kar ke din rat apne kaam me hi marne laga…

Roj rat ko tak haar kar jab wo ghar laut kar ata tha….
Ladki bhag kr darwaje pr hi use gale laga leti. Aur wo baccho ki tarah muskurata tha….

kuchh hi salo me ladke ne apna alag hi mukam bnaya liya…
mehanat ho to kuchh bhi hasil ho jayega ye duniya ko smjhaya diya…

Ab dono ke pas mohabbat himmat aur kuchh behtar karne ki lagan hai..
Ladka paise kamane aur ladki ghar chalane me magan hai….

Bhale hi aaj bhi dono ke pas itni daulat nahi hai ki wo zindagi ke khul kr maze le sake….
Magar dono ke pas itna itni mahobbat hai ki zindagi bhar ek duare ko wo khoob sara pyar de sake…..