Real Love Story | Ek Aashiq k Sharabi banne ki kahani

Main sharabi to tha na tha… pehle mai sharab pi kar yun na rota tha….
raat hote hi nase me mai na khota tha….

Main mast maula sa hawa ke jhaunke sa befikar udata firta tha idhar udhar….
Baith jata tha usi dali par mera apna man kahta tha jidhar…

Magar honi ko mera fakir hona manzoor kahan tha… usne to mere liye kuchh aur hi soch liya tha…
Do nain mere do nainon se lade aur char ho gaye… un nainon ne to mera man hi moh liya tha…..

Mera jo man raha karta tha shant aur azad wo bechain aur un do naino ka gulam hogya…
Pahle main udta rahta tha idhar udhar magar ab ek kone me baith kr use sochna hi mera kaam ho gya ..

Maine bahut intzar aur bechaini ke baad us hoor se dil ka sara hal kah diya….
karne laga hun usse beinteha mahobbat, khul kar dil ka sara malal kah diya…

Wo muskurayi aur mere dil ka bacha khucha hissa bhi chori kar ke le gayi….
Aur mere dil ke badle me dher sari bechaini aur lakhon sapne meri ankhon ko de gayi….

Milne ke sath sath hamara pyar bhi har roz kisi bel ki tarah badhta raha….
Hamari mohabbat ka charcha shahar me har din parwan chahdhta raha…..

Sath jeene marne ki kasme kha li chori chupe hamne sapnon ki ek duniya bhi basa li….
Main khush tha uski mohabbat ke suroor me aisa lag raha tha jaise maine apni zindagi me hi jannat paa li…..

Main aane wale kal se bekhabar use chahta chala jaa raha tha….
hamesha khush rakhne ka usse wada kiya tha, bas unhi wadon ko nibha raha tha……..

magar kismat ko kuch aur hi manjor tha.. akhir me wohi hua jo har ashiq ki takdeer me likha hota hai….
Main bhool gya tha ki har hasne wala apne ant par khoon ke ansu rota hai……

Mere chamkte huye din me achanak se andheri ghani raat chha gayi….
Main use chahta tha duniya me sabse zyada magar na jane wo maut ko itni kaise bha gyi …..

Zindagi ke is safar me wo ek din mujhe akela chhod kar kisi dusri duniya ki or chali gayi….
Uske baad to mere andar jaise jeene ki chah hi na bachi, is baar to us khuda k hatho se meri kismat chali gayi….

maine usse kiya tha wada ki khud se khud ki zindagi kbhi na khatam karunga….
magar Maine soch liya tha ,… ki ab akela rah kar hi sari zindagi khud ko is virah ki aag me bhasam karunga…

magar rat hote hi uski yaaden mere sine me uske dil ko nochne lagti…..
uske baad bhi mai zinda kaise hun, mere sanse hi mujhe kosne lagti…..

Tabhi se maine apna dard bhulane ke liye raton ko pina shuru kar diya….
Zindagi rahte kaise maut ko roz jiya jata hai ye seeekh kr, maine sharab ka sahara le kar jakmon ko seena shuru kar diya……

dhire dhire mai use bhula kar sarab ko bhi chor dunga…
usne wada liya tha mere baad khush reh kr jine ka, mai bhala kaise uske wade ko tood dunga…..

maagr meri malak ek akhiri ilteja hai tujhse … ki tu bhale hi kisi ki mahobbt ko usse juda kr de… pr mahobbat me kisi na maarne dena….
agar majboor hai wo, nhi ho sakti tumhari, to hath jodta hun mere bhai.. khusi khushi use kisi aur se shadi karne dena…….

#Real Love Story | Ek Aashiq k Sharabi banne ki kahani….