Sad bewafa shayari for boyfriend Hindi

Mere dil me tum hi rahte the… Tum mujhe Jaan jaan Kahte the…
Jis taraf main jaya karti thi tum meri hawa sang Udhar hi bahte the….

Tumhe yaad hai kitne chakkar tumne meri gali me kate The us din…
Main soch ke jawab dungi tumhe Maine muskura kar ye kaha tha jis din…

Sari raat tum so na paye the jab maine haan kar di tumko…
Sari raat ham ph par baaten karte rahe kitni bechaini tab lagi thi hamko….

Wo tohafe jinhe main nahi lena chahti thi tum hostal k bahar rakh jaya karte the…
Main rooth na jaun kahin tumse tum ye soch kar kitna darte the…

Tum wohi ho na jo meri ek jhalak pane k liye ghanton pados ki chhat par baitha karta tha…
Ye ladka jo mujhe ab pahchanta nahi kabhi mujhe paane ke liye marta tha….

Kaha maar aaye tum mere us ashiq ko jisko meri khushi khayal rehta tha…
wo mera sath kabhi nhi choddega , jo mujhse ye baat kehta tha…..

Kya wajah rahi jo tumne yun achanak se mujhse nata tod liya…
Aasi kya khata hui mujhse jo apni jaan se hi tumne muh mod liya…

Kuchh majboori thi to kah kar jaate main duayen de kar bhejti tumko…
Kam se kam 2 saal ke pyar ke badle is tarah na tadpate hamko…..

Gar koi aur pasand aa gyi thi to kahte main meera ban jaati…
Tum bolte agar dil ka hal mujhse sach kahti hun tumhari khushi ke beech kabhi na aati…

Kya wo jo tumne kiya wo pyar nahi bas do jismon ka khel tha…
Shayad tumhe bas mere jisam se pyar tha aur mujhe laga ye rooho ka mel tha….

Ab kaho kahan main jaungi apne toote huve is dil ko liye…
Ab kaho kise batlaungi jo dard zakham mujhe tumne diye…

Itne ke baad bhi dil mera tumhe badua dene se darta hai…
Tum sach poochho to baat kahun ye dil aaj bhi tum par marta hai…

Khair jo tumhe sahi laga wo tumne kiya.. ab jo mujhe sahi lagega wo mai karungi……
Tumhare sath to ji na saki… Magar wada hai mera. Tumhari yadon k sath marungi…..

#bewafai