Sad Bewafa Shayari For Boyfriend In Hindi

bhale hi tu mujhe chhod kr chali gayi…
Jo tha kabhi sirf tera usi dil ko berahmi se tod kr chali gayi…

Magar hame tujhse koi gila nahi hai..Ho sakta hai ye teri majboori ho….
Kya pata tera waisa karna hi bahut zaroori ho….

Magar kuchh sawal hain mere jo mujhe din raat pareshan kar rahe hain…
Halat ye hai ki soch kar hum jawab har roz pal pal mar rahe hain….

Aaj un sabhi swalon ke mujhe jawab de ja tu…
Jo tere mere beech baki hai abhi aaj uska akhri hisab le ja tu….

Main janna chahta hun jab tere naye sathi ne tujhe pahli baar hath lagaya tha…
Kya us samay achanak se mera chera teri ankhon ke samne na aaya tha…??

Usne jab tujhe chuma tha to uske honth tere Honthon par the ya mathe par…
Kya usne mere jitni shiddat se apna naam likha tha sanson par….

Meri tarah kya usne teri uljhi laton ko suljhane ki koshish ki thi…
Kya usne kuchh palon ke liye teri rooh apni bahon me jakad li thi…

Kya wo meri hi tarah tere man ko samjh jaya karta hai…
Jab bhi tu roothati hai to kya wo tujhe meri tarah pyar se manaya karta hai….

Kya wo janta hai ki tujhe manane ke liye kis rang ka phool dena chahiye…
Kya use is baat ka ilam hai ki tujhe hasane ke liye use kya karna chahiye….

Kya wok tujhe apni kameez par apne sare ansu baha dene ki ijazat deta hai….
Kya wo tera har dard apni ek muskurahat se kheench leta hai…

Kya tu uske samne bachchon ki tarah sharaten kar pati hai…
Kya tu uski har ada par khul ke mar pati hai…

Agar ye sab hota hai to main khush hun is baat se ki tu khush hai aur mujhe bhul gyi…
Meri salon ki mahobbat ko bhul kr tu itni asani se kisi aur ko dil se kabul gyi…