Sad Bewafa Shayari For Girlfriend in Hindi | New Shayri

Kabhi akar dekh in raton me.. kaise teri yaaden mere sine ko nochti hai….
Janta hun ab tu meri nhi rahi magar Fir bhi meri sanse sirf tujhe sochti hai….

Tere baad main rato ko so bhi na pata hun…
Tujhe kaise koi aur bha gya ye yahi soch kr andar se toot sa jata hun….

bata kaun si baat thi aisi jo tu mujhko yun bhul baithi hai…
Bhala Kaun si aisi daulat payi hai usse jo mere pyar ko bhula kar use kabool baithi hai…

Mana tujhko kuchh shikve honge.. to tu un shikvon ko mujhse kahti….
Tu jaise kehti mai tere sath vaise hi reh leta.. magar kam se kam tu mere sath to rahti…

Tune hi mera sath chor diya .. wo tu hi thi na jo darti thi mujhe khone se…
Halki si kharoch mujhe lagti thi aur dard tujhe hota tha.. yaad kar tu ghabrati thi mere rone se…

Tu azmati to main chand bhi zameen tak le aata.. .
Main bech deta lahu ka katra katra agar usse tujhko khushi de pata…..

kya wo bhi tujhko itna hi chahta hai jiske liye chhoda tha tune sath mera…
kya bheed jahan bhi hoti hai wo thaam leta hai shiddat se hath tera….

kya jagta hai wo raaton me jab bhi so na paaye tu…
kya wo bhi karta hai mazak aise hi jisse kabhi galti se bhi ro na paye tu….

kya usne tera dil bhi hai khareed liya jo kabhi mere liye dhadakta tha…
aaj kaise sambhalti hogi us pagal ko jo kabhi sirf mere liye tadapta tha….

chal jaane de jo hua wo ho gya ab tu nayi zindagi ki shuruat karna…
wo ho jayega bilkul mere jaisa hi tu us se bhi mithi mithi baat karna……

Tu sada salamat rahe.. apne sacche dil se ye duwa deta hun…
Ab se azad hai tu kuch bhi karne ke liye. Apne har wade mai tujhse wapas leta hun….