Sad Bewafa Shayari For Husband In Hindi

Mai apne maa baap ko chhod kr tumhare paas ayi thi…
Na jane kitne arman aur sapne apne sath layi thi…

Jis din shadi thi meri.. mera bhai khada tha chup chap sa ek kone me…
maine use Kabhi rote nhi dekha pr us din uska pura din bita tha mujhe yaad kar ke rone me…

Maa ne kaha tha ki beti aaj se tera wahi sansar hoga…
Tujhe dil se chahega wo . Bilkul saccha uska pyar hoga….

Maine bhi socha ki tumahre sath hi ab meri zindagi beet jayegi..
Tum mujhe itna pyar doge ki mujhe ghar ki yaad bhi na ayegi…

Magar malom na tha ki shadi tum ne bas jism ki bhookh mitne ke liye ki thi…
Kya bas isi liye tumne sat janmon tak sath rahne ki kasam li thi…

Maine to wo bhi sahi maan ke apna sab kuchh tum par har diya….
Jaan bhi.. izzat bhi.. jism bhi jo tha mera wo sab tum par war diya….

Sab kuch luta kar tumpe . Tere tano ko chup chap sehti thi..
Tere julmo ki dastan mai kisi se na kehti thi…..

Ab jab kuchh na bacha mere pas tab tum mujhe chhod kar jaa rahe ho….
Bedardi ki tarah mera dil hazar tukdon me tod kar jaa rahe ho….

Tumne mere jism se khel kar mere sath kyun aisa kiya….
Kya aurat bas tumhare liye ek khilauna bhar hai jo man bhar jaane par tumne dusra dhundh liya…

Agar kisi aur se pyar karte the to mujhe pehele hi bata dete…
Mai chup chap ghar wapas laut jati.. tum mujhe yun na daga dete….

Main kabse janti thi ki tumhari zindagi me kisi aur ladki ka chkkar chal raha hai…
Fir bhi kamosh rahi sab jante huve ki tumahra dil kahi aur machal raha hai….

Mai Fir bhi hasti rahi sabke samne apne gum ko chhupane ke liye…
Mar to usi din chhuki thi.. zinda thi faqat zmane ke liye…

Achha agar yahi faisla hai tumhara to sun lo mere liye bhi tum aaj se mar jaoge…
Main to jee lungi kisi na kisi tarah magar tum apne kiye par ek din jarur pachhtaoge….