Sad Love letter for ex bewafa boyfriend

Jab jaate hain kuch panchhi dalon ko chhod kar…
Us ped ke kuchh hare patte nochte huye kuchh uski daliyan tod kar…

Tab bhi ped un parindon ko baduwa nhi deta hai…
Isi tarag Maine bhi bhula diya hai use jo mere sath huwa hai…..

Magar mujhe kuchh to gile sikve hain jo main apni akhri saans tak karti rahungi…
Jis tarah meri rooh chheen kar tune mujhe zinda rakha isi tarah main roz marti rahungi….

Maine fir bhi tujhe kabhi baddua na di na hi kabhi tera naam lekar kisi se gila karungi…
Log puchhenge swal is liye chillaungi nahi bas sari umar yunhi sisakti rahungi….

Magar kuchh swal hain mere jiske jawab tumhe dene honge….
Jo badsalukiyan tumne mere sath ki hain wo ilzam tumhe apne sar lene honge…

Ye batao ki maine kahan mohabbat me kami chhodi thi…
Kaun si aisi kasam thi teri jo tumne mujhe di aur maine todi thi…

Kab maine tumhare kahe ke aage apna kaha manwaya tha…
Jo tumne kah di use maine khuda ki awaj samjha bhala kab maine tumse muh ladaya tha….

Kab maine tumse farmaish ki mahnge kapdon aur gahnon ki…
Kab maine kadar na ki tumhare pariwar ya maa bahnon ki….

Jab maine kuchh bhi nahi kiya to bhala ye saza tumne mujhe kyun di hai…
Yun achanak se chhod kar meri muskurahat mujhse kyun chheen li hai…

Aisi kya kami thi mere roop me.. jo tumhe koi aur bha gayi….
Mujhse sundar kaun thi mujhe bhi dikhana use jo tumhe pasand aagyi…

Agar in sawalon ke de sako jawab to kisi roz laut kar zaroor aana….
Main jawab sun kar kah dungi ab jao hamesha khush rahna aur mujhe bhool jaana….

Ab jyada dinon ki mahmaan nahi hun bas kuchh din hi intzaar aur kar paungi….
Bas ek baar chale aana tum kisi bahane se fir main apni surat tumhe kabhi na dikhaungi…….