Sad Shayari When Your Boyfriend Ignore You hindi

Wo bhi ek waqt tha jab meri gali me tera har sham ko aana jana tha…
Wo bhi ek waqt tha jab mera inkar kamal tha aur usi tarah kamal tera manana tha….

Tu kaise har roz naya phool aur khat mere ghar ke samne faink jata tha…
Main dhamkati thi tujhko aur tu kaise chhup chhup kar mujhe dekhne aata tha….

Wo bhi ek daur tha jab mera ghar mandir aur main tere liye ek bhagwan ki tarah hua karti thi…
Tu meri har ada par mara karta tha aur main zamane se dara karti thi…

Magar ye kya alam hua jo tu ab mujhse pichha chhudane ki baten karta hai….
Pahle tujhe aati naa thi neend mere bina magar kyun ab tu mere khyal se bhi darta hai….

Kaun aisa aagya teri zindagi me jisne meri jagah itni asani se hasil karli….
Agar aise hi chhodna tha mujhe to kyun tune itni kasmo wafon ki hami bhar li….

Jiske liye tu mujhse dur jaa raha hai kya wo mujhse zyada pyar tujhe kar payegi…
Usse kabhi puchhna kya wo teri khushi ke liye apni jaan dene ka dam bhar payegi….

Nahi wo tujhe deewangi ki us had tak jaa kar chah nahi sakti jahan se main chahti hun…..
Meri nason me khoon ki jagah tere liye pyar behta hai iski main khuda ki kasam khati hun….

Agar tujhe mera sath chod kr jana hai to tum beshaq chale jana…
Magar ab ye bhi ye sun lo ki tab meri maut par bhi tum laut kar mat aana….

Maine agar ishq kiya hai shiddat se to main nafrat bhi kar sakti hun….
Agar maine bhara hai rang khushiyon ka tere jeevan me to apni zindagi me zahar bhi bhar sakti hun….

Ye baat pakki hai ki main tere bina ab jee na paungi….
Magar main ye bhi wada karti hun ki tab mai kabhi laut kar tere pas na aaungi….

Magar ye yaad rakhna ki jis tarah tu bahane bana kar mujhse dur jaa raha hai….
Usi tarah tera dil ek din tujhse kahega ki waqt beet jane ke baad ab tu kyun pachhta raha hai……