Tamam Wade Purane unko Apne Yaad Aayenge…

Tamam Wade Purane unko Apne Yaad Aayenge….
aab dekhna ham jate huye unko kitna rulayenge…

Wo lenge takiye ka sahara apne ansu chhupane ke liye…
Tab koi bhi na milega unhe chup karane ke liye….

Mujhe yaad na karna… meri ye kasam bhi wo bhool jayegi….
wo Lakh chahegi bhul jana mujhe magar fir bhi use meri yaad ayegi…

udhar khushyon ki shahnayi unke ghar jab bajne lagengi……
Tab dekhna idhar meri maiyat me meri arthi sajne lagegi…

Udhar jab khushiyon ke geet unke ghar gayenge sabhi….
Tab Idhar meri maa ko mil kar chup karayenge sabhi….

Itna kamzor main pahle kabbhi na hota tha…
Hazaron musibaten seh jata tha. Magar kabhi na rota tha…..

Magar is baar unke jaane ke baad ham kho se gaye hain…
mere sare khoobsurat khwab toutte hi ham maut k agosh me jaise so se gaye hain…

Main aisa gira ki fir sambhal hi na paya….
Is Mahobbat ne aisa Apahij kiya mujhe ki fir chal hi na paya….

Wo janti thi ki mai uske bin ji na paunga….
Uski judai ka jakam itna gehra hai mere liye. Ki mai wakt ki sui se bhi use si na paunga…

Hal uska bhi achha kaha hoga. Janta hun use meri yaad a rahi hogi…
Zara si himmat kar leti to aaj shayad ham sath hote..ye baat sata rahi hogi….

Magar afsos karne se bhi ab kya fayda….
Hum ab jaa rahe hain nibha kar apna kiya huwa har wayda….

Udhar dulhan ban kar wo Lal jode me saj rahi hogi…
Aur idhar safed kafan me meri laash lipat rahi hogi…

Vidayi me unki waha sab khushi ke ansu bahayenge…
Idhar hamari maiyat jab uthegi to yahan sab khoob chillayenge…..

Akhri deedar bhi ek dusre ka ho na payega….
Kitna bebas hoga dil unka jo khul kar ro bhi na payega….

jate jate unse kiya wada nibha rha hu…
Unhi ka tha ye jism yahi unhi ke pas chhode ja rha hu…..