Touching Love Story 2018 that make you cry

kya Train ki seat par baithe baithe kisi ko pyar hota hai ?
Aap hi sochiye zara kya koi musafir kisi dusre musafir ke bichhdne pr rota hai ?

Bada banawti sa lagega agar main kahun ki aisa hua tha kabhi…
Kuchh ghanton ke safar ne hi ek ladki ke dil ko ek ladke ne chhua tha kabhi….

Magar sach me hua tha aisa aur bada ajeeb sa wo kismet kaa khel tha….
Chalti rel ki tharthrati siton par do anjaan dilon ka ho gya mel tha….

Ladki ne jab ek station par sote huye ladke ko jagaya tha…
Usi se pahli nazar me hi pyar ho gya jis ladki ko bin dekhe wo ladka jhunjhlaya tha….

Ladki ne kaha ye seat meri hai chaliye uthiye yaha se ise khali kariye…
Aap jaise ladke hi ladkiyon ko tang karte hain yun na manmani kariye…..

Ladka kuchh der uski ankhon me khoya raha fir usne ticket dikhane ki guzarish ki thi…
Aapki seat ye nahi upar wali hai ye kah kar ladke ne muskura kar ladki ki galti bata di thi….

Ladki ne jab gaur se dekha to ladke ki baat ko sahi paya tha ..
Wo bekar me hi us ladke par bhadki thi.. kuchh der baad use samjh aaya tha ….

Fir kya tha… ladki ne bhi saman rakh kar… apni seat par baithte huye ladke se mafi mang kar apni galti mani thi…
Unki. baat hoti rahin.. kai baar ladki ne ladke ki achhai .. uski baton se pahchani thi…

Bina soye huye hi wo raat bhar karte rahe baaten khoob sari….
Ab Dono dost ban chuke the… ladki ne bhi apni sari khwahishen us ladke se kah dalin….

Dono ek dusre ke dil ko kuchh ghanton me hi bhane lage the…
Kismet kah rahi thi mat jao paas magar wo dono uski baat ko jhuthlane lage the….

Akhir hua wohi jiska dar tha, sation delhi kaa aate hi ladki dar gayi thi…
Ladka bhi mayus ho kar utar gya tha . ladki bhi apne sare ankahe jazbaat le kar train se utar gayi thi….

Akhri dua salam ke baad ladka fir apne raste pr chal pada tha..
Lab to kuchh naa bole magar dono ka dil andar hi andar ek duje k liye dhadak raha tha…

Ladka jab pahuncha apni manzil to bistar par us ladki ki yadon ka bichhouna bana kar so gya…
Bahut samjhaya usne dil ko magar fir bhi us ladki ki yadon me kahin kho gya……

Bada bechain sa ho kar ghoomane laga pure kamre me fir akhir me har kar usne facebook khola tha…
Man bahlane ke liye usne apne doston ka msg tatola tha….

Unhin msges me ek naya naam samne aa gya tha….
Msg kholte hi pure kamre me mayusi ke badle khushi ka rang chha gya tha….

Wo msg tha usi train wali ladki ka jisne facbook par ladke ko dundh nikala tha…..
Msg padhte huye ladke ne bhi badi mushkil se apna dhadakta hua dil smbhala tha….

Are janab had karte hain mile aur apna number bhi na diya….
Aap to bade berukhe nikle hum to apna dil dene ko baithe the aur aapne apna muh mod liya….

Ladki ka aisa msg dekh kar ladke ke chehre par raunak chha gyi…
Ladki ne diya tha apna no. ye dekh ladke ki jaan me jaan aagyi….

Isi tarah ek mohabbat ka agaz bada khubsurat sa hua tha…
Anjane me hi do mahobbat karne walon ne ek dusre k dil ko haule se chhua tha….

Ab iska anjaam kya hoga ye to kismet hi janti hai….
Hansati to khul kar hai pahle magar baad me rulana bhi janti hai….