Very Sad Heart Touching Lo Letter To Loved One

very sad heart touching love letter to loved one, heart touching sad love quotes, sad heart touching quotes in hindi, sad heart touching shayari, sad heart touching quotes in urdu, heart touching love messages, heart touching love quotes for her, heart touching love quotes in english, heart touching love quotes for boyfriend….

ery sad heart touching love letter to loved one

Kal Puraane Khat Padh Raha Tha,
Aur Saath Bahut Kuch Kar Raha Tha…

Phir Us Khat Par Nazar Gayi,
Bheege Lafaaz Par Jaa Kar Ruk Gayi…
Waqt Jaise Thehar Gayaa
Yaad Un Dinon Ki Aane Lagi….

Main Kuch Shayri Likh Kar Apne Saath Le Chalta…
Aur Pulia Par Tumhaari Rah Takta..

Phir Bada Dheere Se Chalta Hua
Tumhara Rickshaw Dikhayee Deta Tha..
Rickshaw Besabri Se Nazdeek Aane Ka Intezaar Main Karta Rehta…
Jaise Hi Mere Barabar Aa Jaata,
Main Apni Cycle Chalane Lagta….

Phir Sadak Par Bheed Kam Dekh Kar Apna Khat Tumhaare Haath Mein Deta….

Tum Leti Bhi Aur Nahin Bhi,
Phir Thodi Der Baad Khol Kar Padhti..
Bachpan Ki Shaayri Mein Armaan Zyaada Aur Wazan Kam….

Padhte Hue Nikal Jaati Thi Tum,
Na Kabhi Palat Kar Dekha.
Na Ruke Na Salaam Dua…

Mera Bhi Department Aa Jaata,
Aur Tumhein Aur Aage Jaana Rehta..

Kitne Din Chalaa Ye Silsila..
Sirf Chuttiyon Mein Rukta..
Main Bhi Tumhaare Jaane Ke Baad Ghar Jaata Tha…
Aur Aane Ke Pehle Aa Jaata…..

Kabhi Baat Nahin Hui,.
Bas Classes Ke Timing Dekh Kar Pataa Lagta..
Ki Kab Lautna Hai…
Bade Bechain Din Thhe Wo
Jab Main Laut Aata Tha Aur Tum Nahin.

Phir Ek Din Aisa Bhi Aaya,
Exams Khatam Hue Aur Hum Sab,
Hamesha Ke Liye Campus Chhod Kar
Duniya Mein Utar Rahe Thhey…

Ek Ajeeb Mahaul Chha Gaya Dil Mein,
Ek Khaalipan Jo Bharf Me Phanse Havaa Ke Bulbule Jaisa Hai…
Jo Us Waqt Bana Jab Main,
Tumhaare Rickshe Ke Saath,
Jisme Tumhaara Samaan Bhi Tha
Station Jaa Raha Thha..Tumhein Chhodne…..

Iraada Phir Milne Ka Thha
Darr Judaai Ka…
Phir Tumne Mere Haath Mein,
Ek Khat Rakh Diya,

Maine Badi Mushkil Se Use Jeb Mein
Rakha…
Mann Keh Raha Tha Ki Usi Waqt
Padh Daalun Lekin…
Gaadi Ka Waqt Ho Gaya Thha..
Tumhaare Hostel Ki Doosri Ladkiyan
Platform Par Thi…

Aur Mujhe Khayaal Aaya
Ki Tum Unke Saath Station Nahin
Aayi..
Alag Se Taaki Main Saath Chal Sakun,
Aur Tum Mujhe Ye Chiththi De Sako..

Gaadi Chali Gayi
Bahot Der Tak Station Ke Bahar
Main Ruka Raha…
Dil Ko Behlaane Lagaa…
Ki Ye To Dosti Thi Pyaar Nahin….
Pyaar Hota To Baat Aur Hoti,
Main Uska Haath Thaamta..
Rukne Ko Kehta,

Lekin Yeh Dil Ne Kuch Nahin Suna…
Bas Apne Andar Ek Jagah Khaali Chhod Di…

Maine Kabhi Usse Nahin Poocha Ki
Mere Khaton Ka Kya Hota Tha…
Phaadey Jaate Ya Sahej Ke
Kitaab Ke Warq Ke Beech Rakhhe
Jaate..
Shayri To Maine Kitaab Mein Bhi Likhi Thhi…

Na Jaane Kab Station Se Campus Pahunch Gayaa..
Bada Ajanabiyon Sa Mehsoos Ho Raha Tha…
Mann Hua Jhat Se Main Bhi Is Jagah Se Door Chala Jaaoon..

Ab Waise Bhi Rakha Kya Hai,
Ek Imtihaan Khatam Ho Gaya..
Aur Doosre Mein Fail Ho Gaya…

Kamre Pahunchaa Aur Laet Gayaa
Uska Diya Khat Nikaala..

Pet Par Rakh Kar Sochne Laga
Kya Hai Isme….?
Uska Pata…?
Uska Number….?

Itne Din Ke Benaam Saath Ka
Alvidaai Iqraar..?

Padhne Laga…

‘Aap Shayar Hain, Jo Ashaar Aapne
Mujhe Diye…
Ummeed Hai Aapke Paas Bhi Likhe
Hain…
Kyun Ki Main Saare Khat Apne Saath
Le Jaa Rahi Hoon…
Koi Pooche Ki Kitne Bade Shayar
Hain…
To Yeh Keh Dijiye Ga…

Deewane Lakhon Baar Aapke Shayri Padh Chuke Hain…

Aur Meri Janib Se Aap Ke Liye Kuch
Alfaaz Hain Ghalib Ke….
“Aur Bhi Gham Hain Zamaane Mein
Muhabbat Ke Siva…
Ab Aap Ise Wajah Samjhein Ya Bahaana’..”

Yaad Khatam Ho Gayi..
Aur Mere Chote Se Bhanje Ne Poochha…

‘Kya Aap Sachmuch Ke Shayar Hain?’
Main Hansa Aur Keh Diya….

‘Nahin Beta Zehni Taur Par Kangaal Hun Jo Apni Yaadon Ki Tijarat Alfaaz Ke Lifaafon Mein Likhta H.’

‘To Phir Yeh Kya Hai’ Puraane Khat
Ko Dikhaate Hue Usne Poocha..
Maine Kaha Beta.. Mera Birth Certificate’……