Ye Mohabbat itne sitam kyun sahti hai… ?

Wo mujhse milne jab aayi thi tab jaate huye khud ko mujhme hi kahin chhod gayi……
Itna pyar wo mujhse karti hai ki pyar pyar me mujhko hi tod gayi…

Uske jaane ke baad se main khud ko abhi tak sambhal kahan paya hun….
Wo to chali gayi mujhe chor kr.. magar main wapis ghar apne kuchh dard, uski yaaden aur ansu laya hun….

Usne kaha tha ki main tumhe dekh lungi to mujhse wapis na jaya jayega…
Tumhe hamesha khush rakhne ka khud se wada kiya tha… Jaan bhujh kr tumhe mujhse rulaya na jayega…..

Khushi is baat ki hai ki hum aaj arse baad ek dusre ko samne se dekh paye the….
Jo aankhen ansuon ki barish se bheeg gayi thin unhen mohabbat ki tapish me aaj sek paaye the….

Keh rahi thi ki wo mere bin jee na payegi…
Is judai ka dard itna gehra hai uske liye jise wo wakt sui se bhi si bhi na payegi….

Dard is baat ka hai ki aisi mohabbat jo paak hai duniya use gunah kyun kahti hai….
Itni masoom hone ke baad bhi ye mohabbat itne sitam kyun sahti hai…

Kaun janta tha ki khuda ki is pak duniya me mohabbat itni napak ho jayegi….
Masoom si mohabbat ke liye hame duniya itni badi saja sunayegi…

Ye ristedaar, maholle wale kya inhe apne bachchon ka hosh hai jo ye meri khabar lete hai…
Kya inka beta hai inke kehne me jo ye jo mujhe naseehat dete hain…

Main kisse pyar karta hun isse bhala inko kya lena hai…
Maine koi nukasan kiya hai ya mujhe inka koi karj dena hai…

Maine falane uncle se ye to nahi poochha ki kal unki beti kiske sath thi…
Falani aunty se jawab nahi manga ki unka ladka q bhadak raha tha unpe kal kya puri baat thi…

Ye sale samaj ke char log apne gharon tak hi simate nahi rahte hain…
Yahi wajah hai ki mujhe kabhi fark nahi padta ki ye char log kya kahte hain…

Zamane ko sab kuchh dikhta hai jo bhi aas paas ho raha hai…
Fir wo ye kyun nahi dekh pate ki ek bechain dil dusre dil ke liye din raat ro raha hai….

Kya jaat paat dharm majahab kisi ki khushi se kahin jyada badh kar hain…
Kaun sambhaye in jahilon ko ki aman goliyon se nahi aati pyar ki kitab padh kar hai….

Jaise hum tadap rahe hain aise hi naa jaane kitne dil roj tadaopte honge….
Ibaadat ki tarah #mohabbat karne wale log apne mahboob ke deedar tak ko taraste honge…

Magar duniya ko isse kya use to bas jaat paat par ladna aur maarna aata hai….
Are ho lene do pyar karne walon ko ek bhala kisi ki khushi se tumhara kya jata hai….

Wo aaj gayi hai mujhe chhod kar to ek wada maine bhi use kar diya hai…
Ab launga har haal me use hi dulhan bana kar is baat ko maine apne dil o dimag me bhar liya hai……

Tum fikar na karna kisi baat ki mai sab sambhal lunga….
Jo ab kisi ke muh se ek bhi lafz bhi nikala tumahre liye to mai uski acche se class lunga….